外貌有點像Thomas and Friends火車的Puffing Billy係澳洲歷史最古老的蒸汽火車，亦都係世界上保存最完整的蒸汽火車之一。Puffing Billy原於二十世紀初行駛偏遠山區的窄軌鐵路 
，當時係為咗開墾偏遠嘅農村而建成；到咗今時今日已經成為咗墨爾本一個主要嘅旅遊景點啦！
車站月台的建築保留咗舊時英國鄉村的風格，出發時，
車站職員亦都會熱烈地揮手
，祝福呢趟火車之旅可以開心順利 
。Puffing Billy途經5個站，行經山脈 
、貫穿樹林農村
，途中更會經過一段木橋，木橋係由以前保留下來嘅支架建築，好古式古香架！
Puffing Billy最可愛的特色就係乘客唔需要乖乖坐好，反而可以坐係窗框上欣賞風景，仲可以將頭、手、腳都伸出窗外感受一下大自然嘅魅力添！(當然也要注意安全啊) 燒煤式嘅蒸汽火車，車廂內不時會有小小的煤炭往後飄來，記得唔好著淺色衫呢～ 
小編溫馨提示：買飛前先要睇睇火車時間表啊～因為每日得4班車架咋！